एक वर्ष पूर्ण होताना ...

आज गुढीपाडवा! गेल्यावर्षी गुढीपाडव्याला ह्या ब्लॉगची सुरुवात केली. सुरुवात करताना माझ्या मैत्रीणींसाठी मी केलेल्या आणि त्यांना आवडणा-या पदार्थांचे एकत्रीकरण एवढाच हेतू होता. पुढे माझ्या लक्षात आले की मी करते त्या पदार्थांमधे तेल, तिखट, कमी प्रमाणात असते. पदार्थ कमी वेळात, आरोग्याच्या दृष्टीने कसा करावा हा हेतू सुरुवातीला नसला तरी साधारण १० एक रेसिपी लिहिल्यावर ते तसे लिहावे असे वाटायला लागले आणि तशा रेसिपीज लिहायला सुरुवात केली. माझ्या स्वयंपाकावर माझी मम्मी, आज्जी, काकू मैत्रीणी, माझा भाऊ अशा ब-याच जणांचे संस्कार आहेत. काही काही रेसिपीज मी स्वत: शोध लावुन केलेल्या आहेत तर काही कोणाच्या रेसिपीज थोडा फर फ़रक करुन मी वापरल्या आहेत. योग्य त्या व्यक्तीला योग्य ते श्रेय मी दिलेले आहेच.

अलीकडे संगीताने Vegan Recipes लिहीशील का किंवा लगेल तसा सल्ला देशील का असे विचारले तेव्हा माझ्या लिहिण्याला अजुन एक दिशा मिळली. दूध आणि दुधापासुन तयार होणा-या पदार्थांमुळे कोणते दुष्परीणाम होतात ते माहीती असल्यामुळे मी मला ते करायला काहीही कठीण वाटले नाही. त्यानंतर मी दूध, दह्यापासुन केलेले पदार्थ लिहिणार नाही असे मुळीच नाही. माझ्या स्वत:च्या रोजच्या आहारात दूध, दही फार वापरत नसल्याने त्या प्रकारच्या पदार्थांचे प्रमाण कमी असेल.

तूप, दही, दूध, चीज वगैरे दुग्धजन्य पदार्थ शरीराला हानीकारक असतात. त्याचप्रमाणे साखर, अती तेलकट, मैद्याच्या पदार्थांमुळेही शरीराची हानी होते. प्रत्येकाने खाण्याच्या बाबतीत थोडीफार खबरदारी घेतल्यास रक्तदाब, हृदयविकार, मधुमेह यासरखे विकार अटोक्यात रहातात. याबाबतीत माझा अभ्यास अतिशय तोकड असल्याने ए तिथेच थांबवते. मी कोणाती पुस्तके, वेब-साईटस वगैरे वापरते ते हवे असेल तर ती माहीती मात्र अवश्य देऊ शकते.

मी मधे ४ वर्षे कोणतेही शिजवलेले अन्न खात नव्हते. त्याकाळात माझे स्वयंपाकाचे प्रयोग खुप बदलले. ते पदर्थ देखील इथे देण्याचा मी प्रयत्न करेन. नवीन पोस्ट मधे जमेल तसे फोटो टाकण्याचे ठरवले आहे. तो निश्चय किती टिकतो ते काळच ठरवेल. मनात बरेच काही करायचे आहे. वेळ कमी आणि सोंगे जास्त अशी माझी स्थिती असल्याने कधीतरी मधे एकही पदार्थ न लिहिण्याची शक्यता आहे.

तुम्हा सर्वाना गुढीपाडव्याच्या असंख शुभेच्छा! नवीन वर्ष तुम्हा सर्वाना आरोग्यवर्धक जावो.