आमसुलाची कढी (Aamsool Kadhi)

Here is English version of this recipe - http://vadanikavalgheta.googlepages.com/aamsoolkadhi

Aamsoole

मला आमसुलचे जवळपास सगळेच प्रकार आवडतात - सोलकढी, फुटी कढी, ताज्या कोकमाचे सार, कोकम सरबत, आमसुलाची कढी, चटणी. माझे एक मामा कोयनानगरला रहातात त्यामुळे उन्हाळा सुरु झाला की त्यांच्याकडुन ओली कोकमे, कच्चे फणस, आळुची फळे, जांभळे असले सगळे प्रकार नेहेमी घरी येत. मग मम्मी बरेचदा त्यांना जास्तीची कोकमे विकत आणायला सांगत असे. मग ती फोडुन बिया बाजुला काढुन सालांना मीठ, साखर लावुन बरणीत ठेवायची. बियांना खुप रस असतो तो काढायचा आणि तो रस देखील त्या बरणीत ठेवायचा. ती बरणी रोज उन्हात ठेवायची. ते घरी केलेले सरबत अप्रतीम लागते. आता मामा थकले त्यमुळे मम्मीला विकतच्या कोकम सरबताशिवाय पर्याय नाही. ही कोकमे घरी आली की बरेच प्रकार व्हायचे भाताची पेज घालुन केलेले कोकमाचे सार. ताजे सरबत, ताजी कोकमे घातलेली तुरडाळीची आमटी वगैरे. पण खानदेशात आमसुलाची कढी म्हणुन एक प्रकार दाल-बट्ट्यांबरोबर करतात. मला त्या दाल-बट्ट्यांपेक्षा त्या कढीचेच आकर्षण जास्त! ही रेसीपी माझ्या जावेची. तिची थोडी तिखट/गोड चवीची असते. माझ्याकडच्या सामानानुसार मी अगदी थोडा बदल केला आहे.
Aamasool Kadhi
५-६ आमसुले
२-३ टेबलस्पून बेसन
एका मोठ्या लिंबाएवढा गूळ
१/२ टीस्पून गरम मसाला/गोडा मसाला
लाल मिरची पावडर, मीठ - चवीप्रमाणे
२-३ टेबलस्पून चिरलेली कोथिंबीर
३ कप पाणी
फोडणीसाठी १ टेबल्स्पून ते, जिरे, मोहरी, हळद, हिंग, कढीपत्ता

कृती - १ कप पाणी गरम करुन त्या आमसुले घालुन ३० मिनीटे भिजत ठेवावीत. अर्ध्या तासाने पाण्यात ती सोले नीट कुस्करावीत. पाण्यातुन सोले बाजुला काढु नयेत तशीत त्यात ठेवावीत. त्यात बेसन, लाल तिखट, थोडी कोथिंबीर, मीठ, गुळ, मसाला घालुन नीट मिसळून घ्यावे. बेसनाच्या गुठळ्या राहु देउ नयेत. राहीलेले २ कप पाणी त्यात घालावे आणि नीट मिसळावे. एका पातेल्यात तेलाची जिरे, मोहरी, हिंग, कढीपत्ता, हळद घालुन फोडणी करावी.त्यात वरील कोकम-बेसनाचे पाणी घालावे. बारीक गॅसवर नीट उकळावे. उकळी येताना हलवत रहावे. एखादेवेळी उतु जाण्याचा संभव असतो. नीट उकळी आली की खाली उतरवावे. बारीक चिरलेली कोथिंबीर वरुन घालावी. ही आंबट/गोड कढी भाताबरोबर अप्रतीम लागते.

टीप - १. बेसनाचे प्रमाण कढी किती घट्ट किंवा पातळ हवी त्यावर २ किंवा ३ चमचे वापरावे.
२. दाल-बट्ट्या, वांग्याची भाजी, आमसुलाची कढी, भात असा बेत जेवणाला खास खनदेशी बेत असतो.


ऍवॉर्ड्स वगैरे

तृप्तीने मला ' Brillant Weblog Premio-2008' हे ऍवॉर्ड दिले त्याबद्दल तिचे आभार!
Brillant Weblog Premio-2008

हे मी या ब्लॉगर्सना देते -
वैशाली, पूनम, सनशाईन मॉम, भाग्ज ,रिचा

वैदेही, मला जीनीलॅम्प दिल्याबद्दल धन्यवाद!
Gennie

1. Add your site(s) to the list once you have received the Magic Lamp of Luck.

2. Pass on the Magic Lamp of Luck to as many people as you like. After all, everyone needs some good luck!

3. Leave a comment HERE once you’ve passed on the Magic Lamp of Luck. Once the Genie King andGenie Princess have visited your site to make sure your links are complete and proper, you will then be added to the Master List.

4. To ensure everyone receives equal link benefit, please UPDATE your list regularly!

मी हा लॅम्प पुढे अंजली, अपर्णा, वैशाली, Not Yet 100 आणि शिल्पा यांना देते.